अख्तियार दुरुपयोग अनुसन्धान आयोगले सोलुखुम्बु जिल्लाको सोताङ गाउँपालिकाकी उपाध्यक्ष अञ्जु नाछिरिङ्ग राई र उनका छोरा सुनिल विरुद्ध भ्रष्टाचार मुद्दा दायर गरेको छ ।

बिज्ञापन

आयोगका अनुसार ०८० ०८१ मा ढाका सिलाई बुनाई तालिम सञ्चालन गर्दा प्रशिक्षकहरूसँग घुस, रिसवत माग गरिएको भेटिएसँगै उनी र उनको छोराविरुद्ध अख्तियारले मुद्धा दायर गरेको हो । आयोगका अनुसार,पालिकाबाट सञ्चालित ९० कार्यदिनको ढाका सिलाई बुनाई तालिमको प्रशिक्षकका रूपमा काम दिलाएबापत उपाध्यक्ष राईले ४५ हजार रुपैयाँ घुस माग गरेकी थिइन्। उक्त रकम उनले आफ्ना छोरा सुनिलको बैंक खाताको क्युआर कोडमा हाल्न लगाएको छानबिनबाट पुष्टि भएको भेटिएसँगै अख्तियारले उनीहरुविरुद्ध मुद्धा दायर गरेको हो ।